На пасадзе цяжкой

Сярэдняя: 5 (1 голас)
      На пасадзе цяжкой
Я працую, рабоце адданы,
      Не для славы сваёй,
Не для срэбра і не для пашаны.

      Легкадумная слава —
Туман летуцення пустога —
      Зранку днюе ў мяне,
А пад вечар начуе ў другога.

      Срэбра ззяе раскошай,
I сыта яно і адзета,
      Толькі бедна натхненнем —
Адзіным багаццем паэта.

      Я не супраць пашаны,
Працую, рабоце адданы,
      На пасадзе цяжкой,
I не трэба мне большай пашаны.